ваш сайт
лучший сайт где можно скачать шаблоны для dle 12.0 бесплатно
» » Գեղարքունիքի մարզի Ծովակ և Լուսակունք համայնքները կարկուտից լուրջ վնասներ են կրել

НОВЫЕ СЕРИАЛЫ

NEWS


Գեղարքունիքի մարզի Ծովակ և Լուսակունք համայնքները կարկուտից լուրջ վնասներ են կրել


Օգոստոսի 14-ին տեղացած կարկուտն էական վնասներ է հասցրել նաև Գեղարքունիքի մարզի Ծովակ և Լուսակունք համայնքների տնտեսություններին։
Ծովակի և Լուսակունքի համայնքապետարանների աշխատակազմերից «Արմենպրես»-ին տեղեկացրել են, որ նախնական ուսումնասիրությունների, ինչպես նաև քաղաքացիների կողմից ներկայացված դիմումների համաձայն, վնասվել են կարտոֆիլի և բանջարաբոստանային այլ մշակաբույսերի ցանքեր, պտղատու այգիներ։
Ծովակում վնասվել է 130 հեկտար ցանքատարածություն, որի 95 տոկոսը կազմում են կարտոֆիլի ցանքերը, մնացած մասը՝ հացահատիկի դեռևս չհնձված արտերը։ Լուսակունքում վնասվել է 80 հեկտար կարտոֆիլի, 56 հեկտար հացահատիկի ցանք, 5 հեկտար պտղատու այգու բերք։
Վնասների գումարային չափերը ճշտվում են համայնքապետարաններում ստեղծված հանձնաժողովների կողմից։